KFS | 28.07.2009 | 22:47

KFS-Augnablik Hásteinsvelli kl. 18

KFS tekur á móti Augnabliksmönnum á Hásteinsvelli miðvikudaginn 29. júlí og hefst leikurinn kl. 18. Má búast við hörkuleik, en Augnabliksmenn hafa verið að fá til sín leikmenn nú í júli. Fyrsti leikur tímabilsins var heimaleikur gegn Augnabliki og vannst hann 6-0. Nú mun leikurinn fara fram á Hásteinsvelli og spurning hvernig liðsmenn KFS kunna við sig þar. Búast má við mikilli umferð um Dalveginn og heyrst hefur að Ívar í Prýði verði sérstaklega vel til hafður í þessum leik, með olíu á lærunum og alles! Þá mun Einar Kristinn fylgjast vel með þeim sem tækla á vellinum og skamma þá hraustlega ef illa fer. Allir að mæta og horfa á góðan leik. Vonandi fara menn sigurreifir inn í Þjóðhátíð þetta árið.

Til baka