| 15.12.2017 | 10:44

Öruggt hjá ÍBV

 ÍBV og Grótta áttust við í 11. umferð Olís-deildar kvenna í gær. Eyjakonur voru ekki í miklum vandræðum með þær bláklæddu og voru þegar komnar með níu marka forystu þegar flautað var til hálfleiks. Liðsmenn ÍBV gáfu ekkert eftir í síðari hálfleik og svo fór að munurinn endaði í tíu mörkum, lokastaða 24:34.
 
Sandra Erlingsdóttir átti góðan leik og var markahæst með 11 mörk. Karólína Bæhrenz var einnig iðin við kolann en hún skoraði níu mörk.
 

Meira

| 12.12.2017 | 14:55

Andri Ólafsson hefur verið ráðinn sem aðstoðarþjálfari ÍBV

Andri Ólafsson hefur verið ráðinn sem aðstoðarþjálfari ÍBV og er því formlega orðinn hluti af þjálfarateyminu ásamt þeim Jóni Ólafi Daníelssyni og Kristjáni Guðmundssyni. Andri varð hluti að þjálfarateymi ÍBV sl. tímabil eftir að ljóst var að hann gæti ekki spilað meira vegna meiðsla. Síðasti leikur Andra var á móti KR á Hásteinsvelli þann 14. júní þar sem hann skoraði jafnframt eitt mark. Góður endir á spilaferlinum en Andri á að baki 219 leiki með ÍBV. Þess má geta að hann óskaði eftir því að vera tekinn af launaskrá eftir að spilamennsku hans lauk svo hægt væri að styrkja liðið enn frekar þegar glugginn myndi opnast. Uppalinn eyjapeyji og er sannarlega með hjartað á réttum stað. Þríeykið er nú fullkomnað.
 

Meira

Eldri fréttir